ԱԺ նիստում այսօր քննարկվում էր «Իմ քայլի» պատգամավոր Գեւորգ Պապոյանի հեղինակած՝ ՀՀ հարկային օրենսգրքում փոփոխությունների մասին օրինագիծը երկրորդ ընթերցմամբ եւ ամբողջությամբ ընդունելու հարցը: Համաձայն օրենքի կարգավորման, առցանց առեւտրի դեպքում տրվելու է ոչ թե թղթե ՀԴՄ կտրոն, այլ առցանց կտրոն:
«Գործարարը տվյալները ներմուծելու է համակարգ, որը դիտարկելու է ՊԵԿ-ը ու ավտոմատ կերպով գործարարին հետ է ուղարկելու էլեկտրոնային կտրոնը»,-նշեց Գեւորգ Պապոյանը:
Նա հույս հայտնեց, որ ապագայում թղթով աշխատող ՀԴՄ-ներն ամբողջությամբ կփոխարինվեն առցանց ՀԴՄ-ներով: Պատգամավորն այս օրինագիծը հեղափոխական է որակում. «Սա բիզնեսին օրինական գործելու եւ խախտումներ չանելու հնարավորություն է տալիս»:
Կարդացեք նաև
Լուիզա ՍՈՒՔԻԱՍՅԱՆ
