«Ասենք, մարդը 10 մլն դոլարի վարկ է վերցրել, սկսել է շինարարությունը, մեկ էլ կողքի տաղավարի սեփականատերը, որի տարեկան շրջանառությունը 500 հազար դրամ է, դատի է տալիս եւ դատավարությունը 5 տարի տեւում է: Այդ ընթացքում շինարարությունը կասեցվում է, վարկառուն վարկն է սպասարկում առանց եկամուտ ստանալու: Վերջում դատարանը որոշում է, որ տաղավարի սեփականատիրոջ հայցն անհիմն է: Այդ 10 մլն դոլար վարկ վերցնողի վնասը որեւէ մեկը փոխհատուցո՞ւմ է»,-այսօր կառավարության նիստում արդարադատության փոխնախարար Ռաֆիկ Գրիգորյանին հարցրեց վարչապետ Նիկոլ Փաշինյանը:
Ռաֆիկ Գրիգորյանը շփոթվեց ՝ պատասխանելով՝ «Ոչ, պարոն դատարան»: Սա առաջացրեց վարչապետի եւ կառավարության անդամների բուռն ծիծաղը:
Վարչապետի հարցն այն մասին էր, որ ներկայումս գործող օրենսդրությամբ, ցանկացած բողոքի կամ վարչական հայցի հիման վրա շինարարությունը կարող է, օրինակ՝ 5 տարի կասեցվել, եւ ըստ վարչապետ Փաշինյանի, եթե վերջում պարզվի, որ շինարարը ճիշտ էր, բողոքն էլ՝ անհիմն, ապա պարզ չէ՝ ով է փոխհատուցելու շինարարության սեփականատիրոջ վնասները: Փոխնախարարը նշեց, որ ոչ ոք էլ չի փոխհատուցում վնասները:
Կառավարության այսօրվա նիստում հավանության արժանացավ այն նախագիծը, որով սահմանվեց՝ անկախ բողոքի առկայությունից շինարարությունը ավտոմատ չի կասեցվում, այլ կասեցվում է համապատասխան հիմքերի առկայության դեպքում:
Կարդացեք նաև
Լուսինե ԲՈՒԴԱՂՅԱՆ
