«Նախ, մեծ հարցական է՝ պարոն Մարուքյանն ունե՞ր լիազորություն նման հարց բարձրաձայնելու: Այո, արտահայտվել են կասկածներ, որ ես որոշ պետությունների կամ պետության հանդեպ կարող եմ օբյեկտիվ չլինել: Բայց այդ պետությունը տակավին ՀՀ-ն չէ»,-ԱԺ նիստում այսօր պատասխանելով ԼՀԿ պատգամավոր Էդմոն Մարուքյանի մեղադրանքներին, թե ինքը ԵԽ հանձնաժողովներից մեկում կորոնավիրուսով պայմանավորված արտակարգ դրության պայմաններում ԵԽ երկրներում մարդու իրավունքների խախտումների մասին զեկույցը չի կարող օբյեկտիվ կազմել, ասաց «Իմ քայլի» պատգամավոր Վլադիմիր Վարդանյանը:
Նա վստահեցրեց՝ ԵԽ-ում երաշխավորվել է, որ օբյեկտիվ է լինելու բոլոր 47 երկրների դեպքում եւ իր զեկույցում արձանագրելու է ցանկացած խախտում արտակարգ դրության պայմաններում. «Բայց նման հարցերը բերել ԱԺ եւ քննարկել այս ամբիոնից՝ վտանգելով ՀՀ-ի հեղինակությունը, կասկածի տակ դնելով որոշակի գործընթացներ…թող ընտրողը՝ ՀՀ քաղաքացին սա մեկնաբանի, ես չեմ մեկնաբանում»:
Լուիզա ՍՈՒՔԻԱՍՅԱՆ
