Բրիտանական The Guardian պարբերականն անդրադարձել է Բուդապեշտում 2004-ի փետրվարի 19-ին Բուդապեշտում ադրբեջանցի Ռամիլ Սաֆարովի կողմից կացնահարված Գուրգեն Մարգարյանի սպանությանը, որի գործով Մարդու իրավունքների եվրոպական դատարանը մայիսի 26-ին վճիռ է հրապարակելու: Հայցը ներկայացված է Ադրբեջանի և Հունգարիայի դեմ:
«Թեպետ այս ահասարսուռ դեպքը տեղի է ունեցել 16 տարի առաջ, սակայն այն դեռ իմ հիշողության մեջ է… Մեզ համար կարևոր է, որ արձանագրվեն կոպիտ խախտումները, վերջ դրվի անօրինականությանն ու կանխվի հայերի հանդեպ ատելությունը»,-ասել է Հայկ Մակուչյանը՝ երկրորդ սպան, որին Սաֆարովը ևս ցանկացել է սպանել։
Պարբերականը հիշեցնում է, որ Մակուչյանն ու Գուրգեն Մարգարյանի իրավահաջորդներն այս գործով ՄԻԵԴ-ում հայցվորներն են, նրանք ֆինանսական փոխհատուցում չեն պահանջում երկու երկրների կառավարություններից: Նազելի Վարդանյանը՝ հայցվորների փաստաբանը, հայտարարել է, որ Մարգարյանների ընտանիքը պայքարում է հանուն արդարության:
Պարբերականը հիշեցնում է, որ 2012-ին Հունգարիան Սաֆարովի արտահանձնել է Ադրբեջանին, իսկ Հունգարիայի ՄԻՊ-ը հայտարարել է, որ իր երկիրը չի խախտել ոչ մի նորմ:
Կարդացեք նաև
Պրոֆեսոր, Լոնդոնում գործող Մարդու իրավունքների պաշտպանության եվրոպական կենտրոնի տնօրեն Ֆիլիպ Լիչը, որը եվրոպական ատյանում ներկայացնում է հայցվորների շահերը, պարբերականի հետ զրույցում ասել է, որ այսօրվա վճիռը կարող է նախադեպային դառնալ և լուրջ հետևանքներ ունենալ կալանավորների հետագա արտահանձնումների վրա:
Պատրաստեց՝ Վիկտորյա ԱՆԴՐԵԱՍՅԱՆԸ
