Պարետի որոշմամբ սահմանված անվտանգության կանոնները չպահող տնտեսվարողների եւ հատկապես կրկնակի խախտումներ անողների հանդեպ վարչական պատասխանատվությունը խստացվելու է։ Նիկոլ Փաշինյանն իր ֆեյսբուքյան ուղիղ եթերի ընթացքում շեշտել է՝ այն սրճարանները, բանկերը, արտադրությունները, վարսավիրանոցները եւ այլն, որոնք անվտանգության կանոնները չեն պահում, խստորեն փակվելու են։
«Հրահանգ եմ տվել, որ նրանց հանդեպ, որոնք կրկնակի խախտումներ են անում, չբավարարվել 24 ժամով փակելով, պետք լինի՝ 1 ամսով կփակվեն, 15 օրով և այլն։ Այսինքն՝ երկար ժամկետերով։ Բացի այդ՝ իրավախախտների անունները հրապարակվելու են, որպեսզի մարդիկ իմանան, որ այդ վարսավիրանոց, այդ ռեստորան, այդ սրճարան գնալն անվտանգ չէ համաճարակաբանական առումով»,-նշում է վարչապետը։
Հիմնարկ-ձեռնարկությունների, արդյունաբերական ձեռնարկությունների, սպասարկման ոլորտի ընկերությունների վրա հսկողությունը լինելու է խստագույն։ Այսպիսի հանձնարարականներ են տրվել կորոնավիրուսի տարածումը կանխարգելող աշխատանքները համակարգող հանձնաժողովի հերթական նիստին։
«Մենք այստեղ և պատժողական քաղաքականություն ենք վարելու, և փորձելու ենք մարդկանց բացատրել, որ պահեն անվտանգության կանոնները։ Շատերն անլուրջ են վերաբերում, սակայն սա ինձ համար գաղափարախոսական հարց է։ Մարդկանց գիտակցության հետ աշխատելն իմ իմացած ամենախորքային մեթոդն է»,- ֆեյսբուքյան ուղիղ եթերի ժամանակ ասել է Փաշինյանը։
Կարդացեք նաև
ՀՀ ԱՌՈՂՋԱՊԱՀԱԿԱՆ ԵՎ ԱՇԽԱՏԱՆՔԻ ՏԵՍՉԱԿԱՆ ՄԱՐՄԻՆ
https://www.facebook.com/hlib.am/videos/572177230036102/?__xts__[0]=68.ARBdr66jPKQN0Ayvhmy9s4K0orWBQxb70lINAq5cJ6-vAVevsa-v-mpB1I9RCxfimbMb0XNIiUnVDCf732cM-Wm4Fo0Gxozx7I6Og_Z2TntqYSpHfSM5YKCS9Tta9_hYRXLpuu-hAYwCWu3u2H8DnBY9nJCwWeQbuYsQrqCk2FBw5L3ngevHC6Bq7rGBlxlouJ7BHE8MwjRu8WszU3BgMR7VBLxYwEe3CrBKUPK7I57SHGwMIHnsDnV-8sskJqxlhTrULUHz1MoWFgKUCH7T2kTM5QglTCezjh2GJgG1L5RB6JKOj_Pvwoaw6IpuhP0n7wi9THQsXpSCvHz_M6dtmrcSHXiRwCfsDFy-n4zRKLL36UAhdHrR4mUhVvYZqMrJ6A&__tn__=-R
