Գեղարքունիքի մարզի Ծովակ համայնքի ղեկավարի ու նրա ընտանիքի անդամների մոտ կորոնավիրուսի թեստի արդյունքները բացասական են եղել: Այս մասին Aravot.am-ին հայտնեց համայնքի ղեկավար Գարիկ Հակոբյանը: Նա ասաց, որ ընտանիքով շարունակում են ինքնամեկուսացված մնալ:
«Ինքնամեկուսացման մեջ ենք, մեզ ասացին՝ վարակի գաղտնի շրջան կա, չեմ կարծում, մեր ինքնազգացողությունները լավ է»,- ասաց համայնքի ղեկավարը: Ըստ նրա, երկրորդ անգամ էլ են թեստավորում անցնելու:
Համայնքի ամբուլատորիան դեռ չի գործում, քանի որ կորոնավիրուսով վարակված են նաեւ 2 բուժքույր, ըստ գյուղապետի, բուժքույրերից մեկի ընտանիքի անդամներից էլ վարակված կան։ Համայնքի վարակված բոլոր բնակիչները մեկուսացված են, բայց գյուղապետի տեղեկություններով, բոլորն էլ թեթեւ են տանում:
Արփինե ՍԻՄՈՆՅԱՆ
