Արցախի Անվտանգության խորհրդի քարտուղար Արշավիր Ղարամյանը ֆեյսբուքյան իր էջում գրում է.
«Փաստաբան Տիգրան Աթանեսյանի տան և ընտանիքի վրա կատարված հարձակումը պետք է խստագույնս դատապարտվի հասարակության կողմից, իսկ իրավապահների կողմից համապատասխան իրավական արձագանքի արժանանա:
Ակնհայտ է, որ նշված միջադեպը կապված է Տիգրան Աթանեսյանի կողմից որպես փաստաբան մի շարք հասարակական հնչեղություն ստացած քրեական գործերով իրականացրած մասնագիտական գործունեության հետ և արդյունք է հասարակությունում տիրող անհանդուրժողականության մթնոլորտի և բազմակարծության մերժման:
Նման երևույթները ոտնձգություն են ողջ փաստաբանական համայնքի նկատմամբ, այդ կերպ հարվածի տակ են դնում մրցակցային արդարադատությունը:
Կարդացեք նաև
Վերոգրյալից զատ, դուրս գալով իրավական հարթությունից, անհրաժեշտ է փաստել, որ անկախ պատճառներից և մոտիվներից՝ ընտանիքի և երեխաների նկատմամբ ոտնձգությունը անբարոյականություն է և դրա նկատմամբ տոլերանտ և կամ խրախուսական վերաբերմունքը խարխլում է ողջ հասարակության արժեքային համակարգը»:
