Արդեն 4-րդ օրն է գործում է հանրային տրանսպորտը:
Բացվել են խանութները, առեւտրի կենտրոններն ու տնտեսության գրեթե բոլոր ոլորտները, բայց արտակարգ դրությունը երկրում շարունակվում է:
Պարետատունը կանոններ է սահմանել՝ առանց դիմակների եւ ձեռնոցների արգելվում է նստել տրանսպորտ կամ խանութ մտնել, «գազելներում» չի կարելի նստատեղի քանակից ավելի ուղեւոր վերցնել:
Նման դեպքեր հատուկենտ են պատահում, բայց այ առանց դիմակի ուղեւորներ, այն էլ տարեց, քիչ չեն պատահում:
Կարդացեք նաև
Հանրային տրանսպորտի վրա նախազգուշացում է փակցված՝ մուտքը միայն դիմակով եւ ձեռնոցով, որոշ «գազելներ» էլ զգուշացնում են՝ մուտքը միայն ժպիտով:
Ալկոգել ոչ բոլոր «գազելներում» կա, վարորդներն ասում են՝ ղեկավարությունը չի տվել:
Երեւանում դրությունն այնքան էլ արտակարգ չէ. փողոցները մարդաշատ են, ամենուրեք՝ փողոցային առեւտուր, ինչը կորոնավիրուսի համավարակի պայմաններում, մեղմ ասած, առավել վտանգավոր է:
Խանութներ կան՝ առանց ձեռնոցի, բայց դիմակով հաճախորդներին թույլատրում են ներս մտնել, որոշներն էլ նույնիսկ առանց դիմակի են ներս թողնում:
Նելլի ԲԱԲԱՅԱՆ
Լուսանկարները՝ հեղինակի
