Հայաստանում սննդի արտադրամասերում լինում են կորոնավիրուսով վարակման դեպքեր, սակայն արտադրվող սննդի միջոցով վարակի փոխանցման հավանականությունը մոտ է զրոյի: Այս մասին այսօր կառավարության մամուլի կենտրոնում ասաց առողջապահության նախարար Արսեն Թորոսյանը:
Նախարարի ներկայացմամբ՝ սննդի արտադրամասում վարակման դեպքերը շարունակվում են, ամեն կոնկրետ արտադրամասում գործողություններ են իրականացվում՝ շփման շրջանակները պարզելու եւ մեկուսացնելու համար:
Եվ քանի որ, ըստ Թորոսյանի, սննդի արտադրամասերում արտադրվող սննդի միջոցով վարակի տարածման հավանականությունը մոտ է զրոյի, նախարարը արտադրամասի դեպքերը չի պայմանավորում վարակի աճի տեմպերով:
«Սա կոնսենսուսային կարծիք է միջազգային հանրային առողջության մասնագետների եւ համաճարակաբանների մոտ, որ վարակի փոխանցման նման տարբերակ պարզապես չկա»:
Կարդացեք նաև
Նելլի ԲԱԲԱՅԱՆ
