Մինչ օրս բուժաշխատողների շրջանում կորոնավիրուսով հիվանդացության 375 դեպք է հաստատվել: Այս մասին այսօր կառավարության մամուլի կենտրոնում ասաց առողջապահության նախարար Արսեն Թորոսյանը:
Նախարարը նկատեց՝ այս դեպքերի մեջ են ընդհանուր բժշկական ծառայության աշխատողները՝ շտապօգնության վարորդներն ու բժիշկները, տեխնիկները եւ այլն. «Սա մեր ընդհանուր հիվանդների 6-7%-ն է»:
Թորոսյանն ասաց՝ կա բժշկական հաստատություն, որտեղ դիալեզ են ստանում այն քաղաքացիները, որոնք ունեն կորոնավիրուսի դրական ախտորոշում.«Դրանում որեւէ արտասովոր բան չկա, որովհետեւ մենք կազմակերպել ենք այդ բուժումը հատուկ այնպես, որպեսզի դրական ախտորոշում ունեցող եւ չունեցող քաղաքացիները չխաչվեն: Այնպես անել, որ ամբողջ դիալեզի ծառայությունը, որը սպասարկում է հազարից ավելի քաղաքացիների, զերծ մնա կորոնավիրուսային վարակի ներհիվանդանոցային տարածումից, եւ դրա համար առանձնացրել ենք դիալեզ մատուցող ամենամեծ ծառայություն մատուցող բաժանմունքներից մեկը այդ քաղաքացիների համար»:
Կարդացեք նաև
Նելլի ԲԱԲԱՅԱՆ
