«Պարետի բոլոր հրահանգները մեր անդամները կատարել են: Իրարից հեռու խմբերով կանգնած են եղել»,- ՀՀ ոստիկանության Կենտրոնի բաժնի դիմաց հայտարարեց «Ադեկվադ» միաբանության ղեկավար Արթուր Դանիելյանը:
Նա տեղեկացրեց, որ 20-ից ավելի բերման ենթարկվածների շարքում եղել են նաև իրենց անդամակցող աղջիկներից: Արթուր Դանիելյանը հայտնեց, որ բերման ենթարկվածների մեծ մասն ազատ են արձակվել:
Հիշեցնենք՝ այսօր ՀՀ Քրեական ոստիկանության գլխավոր վարչության մասնաշենքի մոտից բերման ենթարկվեցին «Ադեկվադ» միաբանության մոտ 20 աջակիցներ, որոնք եկել էին սատարելու հարցաքննության մասնակցող Արթուր Դանիելյանին:
Պատճառաբանությունն այն էր, որ նրանք չեն կատարում պարետի հրահանգը: Արթուր Դանիելյանը հակառակը պնդեց. «Հրահանգ է եղել հինգ հոգով չհավաքվել, բայց մեր ընկերներն առանձին իրարից հեռու կանգնած են եղել: Գնացեք ցանկացած սրճարանում, մոլում տեսեք, որ այդ որոշումը ոչ մեկ այնպես չի պահել, ինչպես մերոնք»:
Կարդացեք նաև
Արթուր Դանիելյանն ասաց, որ իրենց բերման ենթարկելու պատճառն այն է, որ սա իրենց գործողությունները սպառնալիք են իշխանությունների համար:
Տեսանյութը՝ ինչպես են բերման ենթարկել Մարինե Մանուչարյանին:
https://www.facebook.com/marine.manucharyan/videos/10157378303566814/?t=152
Տաթև ՀԱՐՈՒԹՅՈՒՆՅԱՆ
