«Կորոնավիրուսով վարակման դեպքերը ՀՀ զինված ուժերում կառավարելի են: Թիվն իրավասու չեմ հրապարակել, սակայն ասեմ, որ ԶՈՒ-ում գրանցված դեպքերը լոկալիզացված են»,- լրագրողների հետ զրույցում այսօր ասաց ՀՀ պաշտպանության փոխնախարար Գաբրիել Բալայանը:
«Չունենք այնպիսի դեպք, որն ակնկալելի չէր: Այսինքն՝ այն շրջանակից էր, որն ակնկալել ենք»,-վստահեցրեց նա:
Բալայանը հայտնեց, որ կորոնավիրուսով վարակված զինծառայողների առողջական վիճակը բավականին լավ է. «Այս պահին եթե ոչ բոլորը, ապա մեծ մասն ախտանշաններ չունի, թեեւ հսկողությունը միշտ կա: Թոքաբորբով դեպքեր էլ կան, բայց ծանր չեն»:
Լուիզա ՍՈՒՔԻԱՍՅԱՆ
