ՀՀ ազգային ժողովն այսօր 92 «կողմ» ձայներով առաջին ընթերցմամբ ընդունեց վարչական իրավախախտումների մասին օրենսգրքում փոփոխությունների օրինագիծը:
Ինչպես հայտնել էինք, արտահերթ նիստում այսօր քննարկվում է կորոնավիրուսի տարածումը կանխելուն միտված օրինագիծը, որով արտակարգ դրության ժամանակ բաց տարածքներում դիմակ չունենալը կպատժվի 10 000 դրամով, իսկ փակ տարածքներում քաղաքացու դիմակ չկրելու համար տնտեսվարողները պատասխանատվության կենթարկվեն՝ 100-300 հազար դրամի չափով:
Թույլատրելի են համարվում թե դեղատներից եւ թե արտադրողներից գնված դիմակները, նաեւ՝ տնային պայմաններում, օրինակ՝ կտորից կարված դիմակները:
Հավելենք, որ օրինագծի երկրորդ եւ ամբողջական ընթերցումը պետք է տեղի ունենա այսօր երեկոյան:
Կարդացեք նաև
Լուիզա ՍՈՒՔԻԱՍՅԱՆ
