ԵԽԽՎ-ն ողջունում է այն փաստը, որ ՀՀ իշխանությունները դիմել են Վենետիկի հանձնաժողովին՝ Սահմանադրական դատարանի խնդրի լուծման հարցով: Այս մասին հայտարարել է Հայաստանի հարցով Եվրոպայի Խորհրդի Խորհրդարանական Վեհաժողովի համազեկուցող Կիմմո Կիլյունեն:
«Այս որոշումը լավ օրինակ է Եվրոպայի Խորհրդի և Հայաստանի իշխանությունների միջև համագործակցության ինչպես որակի, այնպես էլ մակարդակի համար»,-ասել է Կիմմո Կիլյունեն:
Նրա խոսքով՝ կորոնավիրուսի պատճառով հանրաքվեի չեղարկումը, ՀՀ կառավարության կողմից Վենետիկի հանձնաժողովից կարծիք հարցնելու որոշումը, ինչպես նաև հարցի վերադարձը խորհրդարան չափազանց կարևոր են, իսկ ՀՀ իշխանությունները մտածելու ժամանակ կունենան՝ նախքան հետագա գործողություններ ձեռնարկելը և հանրությանը տեղեկացնելը:
«Ակնկալում եմ կարդալ կարծիքը և տեսնել՝ ինչպես է այն հաշվի առնվում»,-հավելել է համազեկուցողը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
