«Հիվանդություն է տարածվում, ինձ մի կպեք: Ճիշտ է, չեմ վախենում, բայց դե…»,-լրագրողներին այսօր ասաց ՀՀ վարչապետի խորհրդական Արշակ Կարապետյանը՝ հրաժարվելով հարցերի պատասխանել:
Տեղեկացնենք, որ ԱԺ-ում այս պահին ընթանում է 2016թ.-ի ապրիլյան ռազմական գործողությունների հանգամանքներն ուսումնասիրող քննիչ հանձնաժողովի հերթական փակ նիստը, որի հրավիրյալն է Կարապետյանը:
«Լավ, թողեք, երեխեք…գիտեմ՝ հարցեր եք տալու, բայց հիմա ոչ մի բան չեմ կարող ասել»,-ժպտալով ասաց Կարապետյանն ու մտավ նիստերի սենյակ:
2016թ.-ի դրությամբ ՀՀ ԶՈՒ ԳՇ հետախուզության վարչության պետ, գեներալ-մայոր Արշակ Կարապետյանը պաշտոնից ազատվել էր ապրիլյան դեպքերից անմիջապես հետո: Նա 2018թ.-ի դեկտեմբերից վարչապետ Նիկոլ Փաշինյանի խորհրդականն է: Հիշեցնենք, որ Արշակ Կարապետյանը «Մարտի 1»-ի գործով վկա է: Նախաքննական ցուցմունքներում նա ասել է, որ մարտյան իրադարձությունների ժամանակ Երեւան էին բերվել սահմանային զորամիավորումներ:
Կարդացեք նաև
Լուիզա ՍՈՒՔԻԱՍՅԱՆ
