Զվարթնոց օդանավակայանը Շառլ Ազնավուրի անվամբ անվանակոչելու առաջարկությամբ ՀՀ կառավարությանն է դիմել Ազնավուր հիմնադրամը և հայազգի մեծանուն գործիչի որդին՝ Նիկոլա Ազնավուրը։
Հիմնադրամը տեղեկացրել է, որ նախաձեռնության հեղինակը Շառլ Ազնավուրի երկրպագուներն են։ Այդ խնդրի կապակցությամբ դիրքորոշում հայտնելու համար ՀՀ Կառավարությունը դիմել է նաև ՀՀ Հանրային խորհրդին։
Ի նկատի ունենալով Արտակարգ դրության պայմաններում ՀԽ-ի ու նրա համապատասխան հանձնաժողովների կողմից նիստերի հրավիրման դժվարություններն ու անհնարինությունը, հարկադրված կլինենք այս և մյուս խնդիրների քննարկումն ու եզրակացությունների հաստատումը կատարել էլեկտրոնային կամ հեռավար եղանակներով։
Հանրային խորհրդի բոլոր անդամներին ուղարկվել է ՀՀ կառավարությունից ստացված փաթեթը, սակայն ոչ պակաս կարևոր է նաև հանրության տեսակետը գոնե սոցիալական ցանցերի օգնությամբ, ինչի նպատակով էլ տեղադրվում է առաջարկությունը ՀԽ ֆեյսբուքյան էջում։
Կարդացեք նաև
Ուրախ կլինենք ձեր դիտարկումներն ու կարծիքներն ստանալ այս հարցի կապակցությամբ։
Ստյոպա ՍԱՖԱՐՅԱՆ
Հանրային խորհրդի նախագահ
Սա ինչ հոգեբանական բարդոյթ է, ամէն ինչ (շէնք, փողող, քաղաք, դպրոց, համալսարանի լսարան) յայտնի հայի անունով անուանակոչել։ 🙁
Մանաւանդ այս դէպքում։ Ազնաւուրը շատ փոքր մարդ է, որ 7-րդ դարից եկող Զուարթնոց հրաշք անունը փոխարւնենք ինչ որ ֆրանսիացու անունով։
Բաւական է էլի։ Այդ մարդը, նրա արուեստը ՉԻ՛ պատկանում հայկական մշակոյթին։
Դասականի ասած՝ «հանգիստ նստէք տեղներդ»։ 🙁