Շաբաթ օրը եվրոպական առաջին թոփ առաջնությունը՝ Բունդեսլիգան, վերադարձավ կորոնավիրուսային դադարից: Ֆուտբոլիստները, այդ թվում՝ պահեստայինների նստարանին գտնվողները, պահպանում էին որոշակիորեն սահմանված կանոնները:
Սակայն ինչպե՞ս են ֆուտբոլիստները, մարզիչները այսուհետեւ մասնակցելու հետխաղային մամուլի ասուլիսներին, հարցազրույցներ տալու: Թե՞ դրանք, պարզապես, չեն կազմակերպվի:
Համացանցում լուսանկար է հայտնվել, որում բունդեսլիգայի «Լայպցիգ»-«Ֆրայբուրգ» հանդիպումից հետո մարզիչ Յուլիան Նագելսմանը հարցազրույց է տալիս սոցիալական հեռավորություն պահպանելով: Լրագրողը մարզչին շատ չմոտենալու համար խոսափողը ամրացրել է երկար ձողին: Ըստ ամենայնի, տեսանելի ապագայում լրագրողների եւ ֆուտբոլիստների ու մարզիչների շփումները այսպես են լինելու նաեւ բոլոր առաջնություններում:
Աշոտ ՀԱԿՈԲՅԱՆ
