Պարետի որոշմամբ ազգային հավաքականներին թույլատրվել է վերսկսել մարզումները:
Ծանրամարտի տղամարդկանց ազգային հավաքականն այս օրերին գլխավոր մարզիչ Փաշիկ Ալավերդյանի գլխավորությամբ ուսումնամարզական հավաք է անցկացնում Աբովյան քաղաքում: Aravot.am-ը զրուցել է կանանց ընտրանու գլխավոր մարզիչ Արտաշես Ներսիսյանի հետ: Նա ասաց, որ կանանց հավաքականի անդամներն առայժմ շարունակում են մարզվել իրենց բնակավայրերում՝ անհատապես եւ, հնարավոր է, որ հավաքվեն այս ամսվա վերջերին՝ նույնպես Աբովյանում, երբ տղաները ազատեն մարզաբազան եւ տեղափոխվեն Օլիմպավան:
Մարզիչն ասաց, որ կանանց հավաքականում են Իզաբելլա Յայլյանը, Տաթեւ Հակոբյանը, Լիանա Գյուրջյանը, Միլենա Խաչատրյանը եւ Արփինե Դալալյանը:
«Սակայն օլիմպիական վարկանիշերի հավակնում են Իզաբելլան եւ Տաթեւը: Մենք անհամբեր սպասում ենք, թե միջազգային ֆեդերացիան եւ ՄՕԿ-ը երբ կհայտարարեն պաշտոնական մրցումների ժամկետներն ու վայրերը, որպեսզի սկսենք նախապատրաստվել հստակ ծրագրով: Եթե միջազգային պաշտոնական մրցումների մասին իմանանք դրանց մեկնարկից գոնե երեք ամիս առաջ, աղջիկներին կհասցնենք անհրաժեշտ մարզավիճակի»,-ասաց Արտաշես Ներսիսյանը:
Կարդացեք նաև
Աշոտ ՀԱԿՈԲՅԱՆ
