«Ես վերջերս իմ ավտոմեքենան վաճառեցի եւ գոյացած գումարը դրամով որպես ավանդ պահում եմ բանկում, մենք պետք է վստահություն ունենանք մեր դրամի նկատմամբ»,-ասուլիսի ժամանակ ասաց ՀՀ վարչապետ Նիկոլ Փաշինյանը:
Ի թիվս այլնի, նա խոսեց Հայաստանի գործարար ակտիվության մասին, հույս հայտնեց, որ ի հեճուկս կորոնավիրուսի, այն կրկին կաճի: Վարչապետը հայտնեց, որ ներկայումս հարկային ստուգումներն ավելի հասցեական եւ արդյունավետ են դարձել: Ասաց նաեւ, որ ԵՄ գործընկերները մեր երկիրը հանել են այսպես կոչված՝ «մոխրագույն ցուցակից» եւ մեր երկիրն արդեն դիտարկում են որպես հարկային առումով համագործակցող երկիր:
«Հույս ունենք, որ մեր պոտենցիալ զբոսաշրջիկները ավելի շատ կճամփորդեն Հայաստանում, ներքին զբոսաշրջությունը նոր թափ կստանա»,-խոսելով զբոսաշրջության վիճակի մասին՝ ասաց Նիկոլ Փաշինյանը:
Կարագի շուկային էլ անդրադարձ եղավ, ասաց, որ կարագի իրացման միջին գինն արդեն 3680 դրամ է կազմում, ու գնանկում է տեղի ունեցել 16 %-ով: Վարչապետն ասաց, որ նույնը վերաբերում է շաքարավազի շուկային, 24 %-ով գնանկում է տեղի ունեցել, եւ նվազել է ներմուծման կենտրոնացվածության աստիճանը: Փաստեց, որ հեղափոխությունից առաջ շաքարավազի գինը 70-80 դրամով բարձր է եղել, քանի հիմա է։ Նիկոլ Փաշինյանը նաեւ հիշեցրեց, որ Հայրենական պատերազմի վետերաններին էլ 300 000 դրամի միանվագ գումար է տրվել:
Կարդացեք նաև
Գոհար ՀԱԿՈԲՅԱՆ
