Հետաքրքիր դրվագներ աշխարհահռչակ կատակերգուի կյանքից
Աշխարհահռչակ ֆրանսիացի դերասան Լուի դը Ֆյունեսը երազում էր, որ որդին՝ Օլիվյե դը Ֆյունեսը դերասանական կարիերա անի, բայց վերջինս երազում էր ավտոմրցարշավորդ դառնալու մասին:
Օլիվյեն Լուի դը Ֆյունեսի եւ Ժաննա Ավգուստին Բարտելեմի դը Մոպասանի որդին է: Ժաննայի տատիկը եղել է Գի դը Մոպասանի ազգականուհին: Ժաննա Ավգուստին Բարտելեմի դը Մոպասանը Լուի դը Ֆյունեսի երկրորդ կինն էր, իսկ առաջին կնոջից դերասանը մեկ որդի ուներ՝ Պատրիկը:
Հետագայում եղբայրները հանրահայտ կատակերգու հոր մասին պետք է գիրք գրեին՝ «Շատ մի խոսեք իմ մասին, զավակներս» վերնագրով: Ու պիտի հիշեին, թե ինչպես էին հոր հետ կրկես գնում, ու ինչպես էր Լուի դը Ֆյունեսը ուրախանում ծաղրածուների հայտնվելուց եւ տխրում կենդանիների համար: Նա ատում էր ամբոխը, շատ մարդկանց, զենքերը, քաղաքականությունն ու որսը:
Ծնողները զավակներին բավականին լավ դաստիարակություն էին տվել ու լավ օրինակ էին նրանց համար: 1965թ. Օլիվյեն հոր նախաձեռնությամբ նկարահանվեց «Ֆանտոմասը մոլեգնում էեւ ֆիլմում, դրանից հետո ամեն տարի Օլիվյեն դերեր էր ունենում բոլոր այն ֆիլմերում, որտեղ նկարահանվում էր հայրը: Թվում էր՝ Օլիվյեին խոստումնալից ապագա էր սպասվում կինոյում, որտեղ օգտագործվում էր նաեւ նրա երաժշտական ունակությունը՝ երիտասարդը հարվածային գործիքներ էր նվագում: Խոսքը հատկապես «Մեծ արձակուրդներեւ եւ «Մարդ նվագախումբեւ ֆիլմերի մասին է:
1971թ. Օլիվյեն խաղաց նաեւ «Օսկար» ներկայացման մեջ՝ Պալե Ռոյալ թատրոնում: Այս ներկայացման գլխավոր դերը, բնականաբար, հայրն էր խաղում:
1973թ. կրտսեր դը Ֆյունեսը վերջնական որոշում կայացրեց թողնել կինոն ու օդաչու դառնալ: Տարիներ անց նա արդեն աշխատում էր Air Inter ընկերությունում, իսկ 2010թ. թոշակի անցավ: Երկու եղբայրների կյանքն անցնում էր առանց հանրային ուշադրության, նրանք ձգտում էին անաղմուկ ապրել մինչեւ այն պահը, երբ հոր մասին գիրք լույս ընծայվեց:
Հետագայում ռեժիսոր Ժամել Դեբուզի կողմից Օլիվյեն հրավիրվեց աշխատելու «Ինչու ես չկերա իմ հորըեւ մուլտֆիլմի վրա: Նա պետք է մարմնավորեր շեֆ-խոհարարի օգնականին, որը պետք է հնարավորինս հիշեցներ Լուի դը Ֆյունեսին:
1977թ. Օլիվյե դը Ֆյունեսն ամուսնացավ քաղաքական գործունեությամբ հայտնի Դոմինիկ Վատրանի հետ: Նրանց երեք զավակներից որեւէ մեկը կինոկարիերա չարեց:
Ըստ kulturologia.ru-ի՝
պատրաստեց
Գոհար ՀԱԿՈԲՅԱՆԸ
«Առավոտ» օրաթերթ
15.05.2020
