«Սրճարաններում ձեռնոցի կիրառումը վարակի տարածման աղբյուր է դարձել: Մի քանի դեպք եմ արձանագրել, երբ մատուցողը նույն ձեռնոցով սպասք է բռնում, հետո՝ գումարը տալիս»,-ԱԺ նիստում այսօր արտակարգ դրության պարետ, փոխվարչապետ Տիգրան Ավինյանին ասաց «Իմ քայլի» պատգամավոր Սոնա Ղազարյանը:
ԱԺ հատուկ նիստում այսօր քննարկվում է ՀՀ-ում կորոնավիրուսի տարածմամբ պայմանավորված արտակարգ դրության երկարաձգման հարցը: Հիշեցնենք, որ կառավարությունն այսօր որոշել է՝ արտակարգ դրությունը կգործի մինչեւ հունիսի 13-ը ներառյալ:
Ղազարյանը հարցադրում արեց. «Գուցե ավելի լավ է ձեռնոցի փոխարեն պարբերաբար ձեռքե՞րն ախտահանել»:
Տիգրան Ավինյանը պատասխանեց, որ ձեռնոց կրելն ու հենց ձեռնոցն ախտահանելը որոշ չափով կանխարգելիչ միջոցառում են համարվում, որովհետեւ մարդիկ ինքնաբերաբար ավելի քիչ են կպնում իրենց բերանին կամ քթին, երբ ձեռնոց են կրում. «Ձեռնոց ու դիմակ կրելը, տարածքն ախտահանելը մարդկանց ամբողջությամբ չեն ապահովագրում վարակվելուց, բայց նվազեցնում են ռիսկը: Նորից կոչ եմ անում բոլոր պաշտպանիչ միջոցները ձեռնարկել»:
Կարդացեք նաև
Լուիզա ՍՈՒՔԻԱՍՅԱՆ
