ԱԺ հատուկ նիստում այսօր քննարկվում է ՀՀ-ում կորոնավիրուսի տարածմամբ պայմանավորված արտակարգ դրության երկարաձգման հարցը:
Հիշեցնենք, որ կառավարությունն այսօր որոշել է՝ արտակարգ դրությունը կգործի մինչեւ հունիսի 13-ը ներառյալ:
Ինչպես նիստում զեկուցել էր Տիգրան Ավինյանը, նախակրթարանները եւս կբացվեն, քանի որ աշխատող ծնողները երեխաներին խնամելու խնդիր ունեն:
«Իմ քայլի» պատգամավոր Սոնա Ղազարյանը հետաքրքրվեց՝ երեխաների՝ մանկապարտեզներ հաճախումը պարտադի՞ր է լինելու, որովհետեւ ծնողների մի մասը դա չի ցանկանում:
Կարդացեք նաև
Ավինյանը պատասխանեց. «Պարտադրանք չկա եւ չի կարող լինել: Սա արվում է անհրաժեշտությունից ելնելով, որպեսզի աշխատող ծնողները հնարավորություն ունենան երեխային նախակրթարան ուղարկելու: Մանկապարտեզների դեպքում էլ առողջապահական կանոններ կգործեն, եւ այսօր կլինի պարետի որոշում, որում նկարագրված կլինեն առողջապահական կանոնները՝ բոլորի համար: Ովքեր ունեն հնարավորություն երեխային նախակրթարան չտանելու, կոչ ենք անում չտանել»:
Պարետը հավելեց, որ կգործեն նաեւ մշակութային եւ ստեղծագործական խմբակները:
Լուիզա ՍՈՒՔԻԱՍՅԱՆ
