Բելառուսի նախագահ Ալեքսանդր Լուկաշենկոն երկրի վարչապետ Սերգեյ Ռումասի հետ հանդիպմանը հայտարարել է Ռուսաստանից մատակարարվող գազի գինը նվազեցնելու անհրաժեշտության մասին:
«Երեկ տեղեկություն եմ ստացել, որ Ռուսաստանը այս բարդ ժամանակներում Եվրոպային գազ է վաճառում մինչև 70 դոլարով. 65-ից 68 դոլար, բայց ոչ 127 դոլար, ինչպես Բելառուսի դեպքում է: Ինչ իրավիճակ ունենք, ինչ հույս կարող ենք ունենալ ապագայում… Այսպես չի լինի, էլ չեմ խոսում Հայրենական մեծ պատերազմում հաղթանակի 75-ամյակի մասին, Գերմանիային բնական գազ են վաճառում 70 դոլարով, ավելի էժան, քան Բելառուսին»,-ասել է Լուկաշենկոն:
Բելառուսի վարչապետ Սերգեյ Ռումասը կարծում է, որ հանրապետությունը գազի «արդար» գնի վերաբերյալ Ռուսաստանի հետ պայմանավորվելու հնարավորություն ունի:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
