Այսօր լրագրողների հետ հանդիպման ընթացքում հարցին՝ առողջապահության նախարար Արդեն Թորոսյանն ինքնամեկուսացե՞լ է, արդյոք թեստ հանձնե՞լ է, նախարարի տեղակալ Լենա Նանուշյանն ասաց. «Կորոնավիրուսային հիվանդությունը ներկայումս համայնքային տարածման փուլում է եւ ցանկացած աշխատանքային վայրում, ցանկացած բնակելի շենքում, ցանկացած կազմակերպությունում կարող է գրանցվել»:
Ըստ փոխնախարարի, չնայած այն ձեռնարկվող միջոցառումներին, որեւէ մի կազմակերպություն չի կարող երկար զերծ մնալ կորոնավիրուսի հիվանդության թափանցումից. «Բոլոր կազմակերպություններում կարող են գրանցվել դեպքեր եւ այդ կազմակերպություններում գրանցված դեպքերի արդյունքում կարող են լինել ինքնամեկուսացված անձինք: Այս պարագայում մենք, նույնպես անմասն չենք մնացել, առողջապահության նախարարությունում ունեցել ենք դեպք, որի պատճառով որոշ աշխատակիցներ, այդ թվում նաեւ պարոն Թորոսյանն, ինքնամեկուսացված են»:
Լուսինե ԲՈՒԴԱՂՅԱՆ
