ԱՄՆ-ում կասեցրել են Ռեմդեսիվիր հակավիրուսային դեղամիջոցի կլինիկական փորձարկումները, որը համարվում էր կորոնավիրուսի դեմ ամենահեռանկարային դեղամիջոցը: Ինչպես հաղորդում է BBC-ն, այս մասին հայտարարել է փորձարկումն անցկացրած Ալերգիայի և ինֆեկցիոն հիվանդությունների ամերիկյան ազգային ինստիտուտը (NIAID):
Գործակալության փոխանցմամբ՝ գործնականում այս որոշումը նշանակում է, որ կորոնավիրուսի դեմ պայքարում Ռեմդեսիվիրի արդյունավետության աստիճանը փաստացիորեն պետք է նորից ստուգել:
Տեղեկության համաձայն՝ դեղամիջոցի փորձարկումը դադարեցրել են՝ չսպասելով վերջնական արդյունքներին: Փորձարկման նախնական արդյունքներն ամփոփվել էին շուրջ երկու շաբաթ առաջ: «Տվյալները ցույց են տալիս, որ Ռեմդեսիվիրը միանշանակ դրական ազդեցություն է ցուցաբերում՝ արագացնելով առողջացման գործընթացը»,-այդ ժամանակ հայտարարել էր ինստիտուտի ղեկավար Էնտոնի Ֆաուչին:
Պատրաստեց՝ Վիկտորյա ԱՆԴՐԵԱՍՅԱՆԸ
