Իտալիայում ֆուտբոլիստներն իրենց ակումբներում վերսկսել են մարզումները, սակայն դրանք անցկացվում են գրեթե անհատական՝ պահպանելով սոցիալական հեռավորությունը: Այդ երկրի սպորտի եւ առողջապահության նախարարությունները հայտարարել են, որ ֆուտբոլիստները խմբային մարզումների իրավունք կստանան մայիսի 18-ից:
Այսօր Իտալիայի առողջապահության փոխնախարար Սանդրա Զամպան նաեւ հայտարարել է, որ վերսկսվող առաջնությունն անմիջապես կրկին կդադարեցվի, եթե ֆուտբոլային որեւէ ակումբում թեկուզ մեկ մարդ կվարակվի նոր տիպի կորոնավիրուսով:
«Դա նույնիսկ չի քննարկվում: Եթե ակումբում գեթ մեկ հոգի դրական թեստ հանձնի, Իտալիայի բոլոր առաջնությունները կկասեցվեն եւ բոլորը կուղարկվեն կարանտինի: Միակ պատճառը, որ մենք ընդհանրապես վերսկսում ենք «A» Սերիան, տնտեսական գործոնն է»,-ասել է Զամպան:
Աշոտ ՀԱԿՈԲՅԱՆ
