«Ոչ վարկային թալանին» նախաձեռնության անդամները, որոնց ոստիկանությունն այսօր բերման էր ենթարկել ԿԲ-ի առաջ բողոքի ցույցի ժամանակ, արդեն ազատ են արձակվել: Այս մասին Aravot.am-ի հայտնեցին ոստիկանության լրատվական ծառայությունից:
Ցույցի երկու մասնակցի՝ նաեւ նախաձեռնության կազմակերպիչ Մանուել Մանուկյանին (լուսանկարում) բերման էին ենթարկել, ըստ ոստիկանության, Կենտրոնի բաժին՝ Վարչական իրավախախտումների վերաբերյալ օրենսգրքի 182 հոդվածը խախտելու համար՝ ոստիկանության օրինական գործողություններին չենթարկվելը:
Բերման ենթարկվածներից մեկի մասով համապատասխան արձանագրություն է կազմվել, մյուսի մասով նյութեր են պատրաստվում: Թե ինչ պատիժ է սահմանվում, որքան կկազմի տուգանքի չափը, որոշելու է վարույթ իրականացնող մարմինը:
Նախաձեռնությունը բողոքի ցույց էր անում ընդդեմ բանկերի եւ վարկային կազմակերպությունների, խնդում են՝ ԿԲ-ի թողտվությամբ բանկերն ու վարկային կազմակերպությունները «վաշխառուական գործունեություն են ծավալում»:
Կարդացեք նաև
Նելլի ԲԱԲԱՅԱՆ
