Երեկ Շիրակի մարզպետարանը կորոնավիրուսով վարակման դեպքերի մասին նոր տվյալներ ներկայացնելիս՝ նշել էր, որ վերջին երկու օրում մահվան դեպքերից երկուսը Շիրակի մարզի Անիի տարածաշրջանի բնակիչներ են, որոնք հիվանդության առաջին իսկ օրից բուժում ստացել են մայրաքաղաքում։
https://www.facebook.com/SHIRAKREGIONALADMINISTRATIONRA/photos/a.1909172849341924/2589007294691806/?type=3&theater
Aravot.am-ը Անի խոշորացված համայնքի ղեկավար Արտակ Գևորգյանից հետաքրքրվեց, թե ովքե՞ր են մահացածները։ Նա ասաց, որ մահացածներից մեկը 85 տարեկան էր, մյուսը՝ մոտ 70 տարեկան, նրանք խնամիներ էին։ Համայնքապետը նշեց, որ երկուսի ընտանիքի անդամներն էլ մեկուսացած են, նրանց թույլ չեն տվել մասնակցել հուղարկավորությանը, հարազատներից քչերն են մասնակցել։
«Ես, բնականաբար, չեմ կարող ասել, թե վիրուսից են մահացել, թե ոչ, դա իմ իրավասությունների սահմաններում չէ։ Գիտեմ, որ նրանք երկուսն էլ առողջական խնդիրներ ունեին՝ սրտի հետ կապված, մահացել են մայրաքաղաքում»,- ասաց Արտակ Գևորգյանը։
Կարդացեք նաև
Նունե ԱՐԵՎՇԱՏՅԱՆ
