Aravot.am-ը Երեւանի քաղաքապետարանի աշխատակազմի հանրակրթության վարչության պետ Աննա Ստեփանյանից հետաքրքրվեց՝ ի՞նչ կարծիքի է թիվ 85 մանկապարտեզի տնօրեն Լիլիթ Ավետիսյանի գրառման վերաբերյալ, որը ֆեյսբուքի իր էջում դնելով տեսագրությունը, թե ինչպես է Ազգային ժողովի «Իմ քայլը» խմբակցության պատգամավոր Սասուն Միքայելյանն ապտակում «Լուսավոր Հայաստան» խմբակցության ղեկավար Էդմոն Մարուքյանին, գրել էր, որ «չափալախը ինֆորմացիայի փոխանցման միջոց է»:
Տիկին Ստեփանյանն ասաց, որ Երեւանի քաղաքապետի տեղակալ Տիգրան Վիրաբյանն արդեն մեկնաբանել է կատարվածը, եւ ինքն, ըստ էության, ավելացնելու բան չունի:
https://www.facebook.com/tiko.virabyan/posts/2950255978361584
Կարդացեք նաև
Հարցրինք՝ նախկինում ինքը եւս լինելով նման իրավիճակներում (77 դպրոցի տնօրեն է եղել եւ անունն էլ կապվում է ընտրակեղծարարության հետ)՝ տարբերություն տեսնո՞ւմ է, արդյոք առաջվա նման կրթական եւ նախադպրոցական հաստատությունները ներքաշված չե՞ն քաղաքականության մեջ, ընդամենն ասաց, որ մեկնաբանելու այլ բան չունի:
Քաղաքապետարանի այլ աշխատակիցներ, որոնց անունները հասկանալի պատճառով չենք նշում, քանի որ աղմկահարույց գրառման հեղինակը Երեւանի քաղաքապետի տեղակալ Հայկ Սարգսյանի կնոջ քույրն է՝ մեզ տեղեկացրին, որ Լիլիթ Ավետիսյանին անգամ դեմքով չեն ճանաչում, նրա՝ տնօրենի ժամանակավոր պաշտոնակատար նշանակվելուց անմիջապես հետո արտակարգ դրությունն ու կարանտինն են մտցվել, եւ նրան երբեք քաղաքապետարանում չեն հանդիպել:
Գոհար ՀԱԿՈԲՅԱՆ
Աննա Ստեփանյանի եւ Տիգրան Վիրաբյանի լուսանկարը՝ վերջինիսի ֆեյսբուքյան էջից
