Ֆուտբոլի Իսպանիայի առաջնության 2019/2020 մրցաշրջանը AS հրատարակության տվյալներով վերսկսվելու է հունիսի 12-ին: Սակայն նշանակվել է նաեւ առաջնության ռեստարտի պահեստային օր՝ հունիսի 19-ը:
Նախատեսվում է առաջնությունն ավարտին հասցնել երկու ամսվա ընթացքում, որպեսզի ակումբները օգոստոս ամսին պատրաստ լինեն Չեմպիոնների լիգային:
Կորոնավիրուսի համավարակի պատճառով Իսպանիայի առաջնությունը ժամանակավորապես կասեցնելու պահին մրցաշարային աղյուսակը գլխավորում էր «Բարսելոնան», որը 2 միավորով գերազանցում էր երկրորդ տեղում ընթացող Մադրիդի «Ռեալին»:
Աշոտ ՀԱԿՈԲՅԱՆ
