«Վերահաստատում ենք, որ կոնֆլիկտն ունի երկու կողմ: Այո, այս ամենը հարթելու եւ հետագայում նման միջադեպերը թույլ չտալու համար կատարվածը պետք է ունենա քաղաքական հետեւանք, որի մասին հայտարարեց Սասուն Միքայելյանը»,-ԱԺ ամբիոնից այսօր հայտարարեց «Իմ քայլը» խմբակցության ղեկավար Լիլիթ Մակունցը:
Հիշեցնենք՝ նկատի ունենալով ԼՀԿ ղեկավար Էդմոն Մարուքյանի հետ միջադեպը՝ «Իմ քայլի» պատգամավոր Սասուն Միքայելյանն այսօր ասել էր՝ «Եթե Էդմոնը տղա է ու պատրաստ է մանդատը դնել, ես էլ կդնեմ»:
Լիլիթ Մակունցն ընդգծեց. «Ավելին: Իրենց մանդատները պատրաստ են վայր դնել նաեւ «Իմ քայլը» խմբակցության պատգամավորներ Արտակ Մանուկյանը եւ Վահե Ղալումյանը՝ պայմանով, որ միաժամանակ մանդատները վայր են դնելու ԼՀԿ պատգամավորներ Հրանտ Այվազյանը եւ Սարգիս Ալեքսանյանը: Սա է արդարությունը եւ քաղաքական հետեւանքը, որը պետք է տեղի ունենա: Կարծում եմ՝ կարճ ժամանակում ԼՀԿ-ն պետք է արձագանքի: Սպասում ենք»:
Մակունցը նաեւ նկատեց՝ ի տարբերություն ԼՀԿ-ի ղեկավարի, ԲՀԿ-ի ղեկավար Գագիկ Ծառուկյանը եւ ինքը՝ որպես «Իմ քայլի» ղեկավար, ԱԺ-ում իրենց երբեք թույլ չեն տվել Մարուքյանի պես բառամթերք օգտագործել եւ կրքեր բորբոքել, ավելին՝ հանդես են եկել հաշտեցնողի դիրքերից:
Կարդացեք նաև
Լուիզա ՍՈՒՔԻԱՍՅԱՆ
La classe mondiale… Peut-être même le champion du monde (Համաշխարհային կարգի … միգուցէ նոյնիսկ աշխարհի չեմպիոն) 🙂
Յիշեալ միջադէպում Էդմոն Մարուքեանը միանգամայն անմեղ է (նշուած միւս ԼՀԿ-ականները չգիտեմ՝ ուշադիր չեմ նայել): Փոխարէնը «Իմ քայլի» երեքը պատգամաւորները անկասկած մեղաւոր են ու պէտք է հրաժարական տան: Սա նոյնիսկ քննարկման առարկայ չէ:
—
Փաշինեանն ու իր թիմը գրեթէ բոլոր ոլորտներում ձախողել են: Արտահերթ ընտրութիւններն անխուսափելի են: Այս առումով քաղաքական ուժերը ճնշումը պէտք է ուժեղացնեն: Դա էլ աւելի պարզ կ’երեւայ, երբ հանրաքուէում «ոչը» յաղթի: Հո արտակարգ դրութիւնն անվերջ չե՞ն երկարաձգելու: Չնայած ո՜վ գիտի. չէ որ պսակավարակը մի քանի շաբաթից մեծ անակնկալներ է մատուցելու: