ՀՅԴ Եվրոպայի Հայ Դատի Գրասենյակի բաց նամակը՝ ուղղված Հայաստանի Հանրապետությունում Եվրոպական Միության դեսպան եւ ԵՄ պատվիրակության ղեկավար տիկին Անդրեա Վիկտորինին՝ Հայոց ցեղասպանության ոգեկոչման առիթով Հայաստանում ԵՄ առաքելության հրապարակման վերաբերյալ:
Ձեզ եմ գրում` որպես համաեվրոպական հասարակական կազմակերպության նախագահ, որը ներկայացնում է Եվրոպայի՝ հայկական ծագում ունեցող քաղաքացիների գլխավոր մի հատված: Նրանցից շատերը Հայոց ցեղասպանությունը վերապրածների ժառանգներ են:
2020 թվականի ապրիլի 24-ին՝ Հայոց ցեղասպանության զոհերի հիշատակման օրվա առիթով Հայաստանում ԵՄ առաքելությունը Թվիթերում հրապարակում կատարեց, որում, ի տարբերություն 2019, 2018, 2017, 2016 թվականների, խուսափել էր «Հայոց ցեղասպանություն» եզրն օգտագործելուց՝ փոխարենը ոչ միանշանակորեն հիշատակելով «ողբերգական իրադարձություններ» արտահայտությունը:
Հրապարակման նպատակը, թերևս, Հայոց ցեղասպանության զոհերի հիշատակը ոգեկոչելն էր: Սակայն, որպես Հայոց ցեղասպանությունը վերապրածների ժառանգներ` ես և նաև մեր կազմակերպության բազմաթիվ անդամներ ցավով պետք է արձանագրենք, որ Հայաստանում ԵՄ առաքելության այս հրապարակումը հավուր պատշաճի հարգանքի տուրք չի մատուցում ցեղասպանության 1,5 միլիոն անմեղ զոհերին: Ցավոք, ձևակերպումը ճշգրտորեն չի արտացոլում այն ամենը, ինչի միջով Օսմանյան կայսրության հայերը ստիպված էին անցել: Ավելին, այն վտանգավորության աստիճանի անորոշ և մոլորեցնող ստորադասում է: Հայոց ցեղասպանության անկեղծ և ընդունելի հիշատակումը պահանջում է ճշմարտության ընդունում և բարձրաձայնում:
Կարդացեք նաև
Ինչպես գիտեք, 2015 թվականին Եվրոպական խորհրդարանը Հայոց ցեղասպանության հարյուրամյա տարելիցի առիթով բանաձև ընդունեց, որով ամրապնդեց 1987-ի իր դիրքորոշումը և որով կրկին պաշտոնապես ճանաչեց, դատապարտեց Հայոց ցեղասպանությունը և կոչ արեց Թուրքիային առերեսվել իր անցյալի հետ: 2019 թվականի դեկտեմբերի 9-ին՝ Ցեղասպանության հանցագործության զոհերի հիշատակի ու արժանապատվության և այդ հանցագործության կանխարգելման միջազգային օրը, Արտաքին գործողության եվրոպական ծառայությունը ևս հիշատակեց Հայոց ցեղասպանությունը:
Որպես ԵՄ քաղաքացիներ հավատացած ենք, որ Եվրոպական միության գլխավոր առավելություններից մեկը մարդու իրավունքների և արդարության պահպանման հանձնառությունն է: Ուստի մենք լիահույս ենք, որ Հայոց ցեղասպանությունը վկայակոչելիս Հայաստանում ԵՄ առաքելությունը կօգտագործի կատարվածի իրական մասշտաբն արտացոլող եզր:
Գասպար Կարապետեան
ՀՅԴ Եվրոպայի Հայ Դատի Հանձնախումբի Նախագահ
