Այս պահին «2016 թվականի ապրիլին ծավալված ռազմական գործողությունների հանգամանքներն ուսումնասիրող քննիչ հանձնաժողովի» նիստին մասնակցում է ՀՀ նախկին վարչապետ Կարեն Կարապետյանը: Մինչ նիստը սկսելը լրագրողները բազմաթիվ հարցեր ուղղեցին՝ ապրիլյան պատերազմում դիզվառելիքի խնդրի, Նիկոլ Փաշինյանի հետ նրա զրույցի թեմայով, բայց Կարեն Կարապետյանը բոլոր հարցերը թողեց անպատասխան:
Նա միայն տեսնելով իրեն շատ մոտ գտնվող լրագրողներին, ասաց. «Սոցիալական դիստանցիա չկա՞»: Կարեն Կարապետյանը խոստացավ հարցերի պատասխանել նիստի ավարտից հետո:
Հիշեցնենք, որ հանձնաժողովի նիստին հրավիրվել էր նաեւ ՀՀ երրորդ նախագահ Սերժ Սարգսյանը:
Հռիփսիմե ՋԵԲԵՋՅԱՆ
