Թուրքիայում հետաքննություն է սկսվել Հայոց ցեղասպանությունն ընդունած Ռագըփ Զարաքոլուի նկատմամբ
Ստամբուլի հանրապետական գլխավոր դատախազությունը հետաքննություն է սկսել Հայոց ցեղասպանությունը ճանաչած թուրք հայտնի հրատարակիչ, լրագրող եւ մարդու իրավունքների ակտիվիստ, մտավորական Ռագըփ Զարաքոլուի նկատմամբ:
Հետաքննության համար հիմք է ծառայել Թուրքիայի նախագահ Ռեջեփ Թայիփ Էրդողանի և նախագահական նստավայրի հաղորդակցության վարչության պետ Ֆահրեթթին Ալթունի ներկայացրած հանցագործության մասին հաղորդումը։
Ներկայացվել է մեղադրանք սահմանադրական կարգը տապալելու և պետական հեղաշրջման կոչով հանդես գալու հոդվածի շրջանակներում։
Կարդացեք նաև
Զարաքոլուն վերջերս հոդված էր հրապարակել, որտեղ նշել էր, որ Էրդողանը և իր թայֆան չեն կարող խուսափել քրեական պատասխանատվությունից։
