Ուկրաինան չի պատրաստվում հետ կանչել Վրաստանում իր դեսպանին՝ ի պատասխան պաշտոնական Թբիլիսիի գործողությունների: Այս մասին հայտարարել է Ուկրաինայի նախագահ Վլադիմիր Զելենսկին և ընդգծել, որ դեսպանին հետ կանչելու Վրաստանի որոշումը սխալ է:
«Մենք Վրաստանի, վրաց ժողովրդի հետ հիանալի հարաբերություններ ունենք… Կարծում եմ, որ վրացական կողմը սխալ է անում: Խորհրդակցությունից հետո բոլոր կողմերն էլ կհասկանան, որ յուրաքանչյուր պետության կադրային քաղաքականություն վերաբերում է միայն այդ պետությանը և վերջինիս քաղաքացիներին: Որպեսզի ոչ մեկին չնեղացնեմ, կարծում եմ, որ սա մեր քաղաքականությունն է: Պարոն Սաակաշվիլին Ուկրաինայի քաղաքացի է… ես էլ Ուկրաինայի նախագահն եմ, որը նշանակել է նրան»,-ընդգծել է Զելենսկին:
Հիշեցնենք, որ Վրաստանը խորհրդակցությունների համար հետ է կանչում Ուկրաինայում իր դեսպանին՝ Միխեիլ Սաակաշվիլիի նշանակումից հետո:
Պատրաստեց՝ Վիկտորյա ԱՆԴՐԵԱՍՅԱՆԸ
