«Երկրում տեղի է ունեցել մասշտաբային փոփոխություն ու այդ փոփոխությունից հետո բռնության դրսեւորում որեւէ մեկի նկատմամբ չի եղել: Էլի միակ բռնության դրսեւորման հեղինակը մեր քաղաքական թիմից եղել է նույն մարդը՝ Սասուն Միքայելյանը՝ պլաստիկե շիշն ուղղորդելով դեպի տխրահռչակ Լեւոն Երանոսյանը»,- այսօր ԱԺ-ում վարչապետ Նիկոլ Փաշինյանը, անդրադառնալով ԱԺ-ում տեղի ունեցած Սասուն Միքայելյան-Էդմոն Մարուքյան ծեծկռտուքին, հիշեց հեղափոխության օրերին տեղի ունեցած հայտնի միջադեպը:
Փաշինյանն ասաց. «Եթե Անդրանիկ Քոչարյանը չզինաթափեր Սասուն Միքայելյանին, թերեւս միջադեպը դրանով էլ կավարտվեր: Ես դատապարտում եմ ձեզ, հարգելի պարոն Միքայելյան, ես դատապարտում եմ ինձ, դատապարտում եմ մեզ, դատապարտում եմ ծառայության ՀՀ ժողովրդին, Արցախի ժողովրդին ու այն արժեքներին, որոնք դարձել են 2018-ի ոչ բռնի թավշյա ժողովրդական հեղափոխության լոկոմոտիվ, տանող ուժ»:
Ելույթը Փաշինյանն ավարտեց լավատեսական նոտայով:
Երեկ «Իմ քայլը» խմբակցության պատգամավոր Հայկ Կոնջորյանը այլաբանորեն խոսել էր Հայաստանի քաղաքական դաշտի ֆլորայի ու ֆաունայի միջատների, կրծողների, մոլախոտերի մասին: Անդրադառնալով ելույթին՝ վարչապետը ոչ այլաբանորեն ասաց. «2019-ի ընթացքում Երրորդ հանրապետության պատմության մեջ եղել է նվազագույն ծառահատումը ՀՀ տարածքում, այդ թվում եւ Տավուշի մարզում: 2020-ին մայիսին արձանագրվել է, որ Կովկասյան ընձառյուծը 1970-ից հետո առաջին անգամ երեւացել է իմ հայրենի Տավուշի մարզում եւ իմ պապենական գյուղ Ենոքավանի տարածքում: Ես սա շատ լավ սիմվոլ եմ համարում ու շատ ուրախալի իրադարձություն»:
Կարդացեք նաև
Հռիփսիմե ՋԵԲԵՋՅԱՆ
