«Ինձ ինչքան էլ խփեք, ես խոսալու եմ: Էն ո՞վ եկավ թաքուն մեջքից խփեց»,-ԱԺ ամբիոնից այսօր հայտարարեց ԼՀԿ պատգամավոր Էդմոն Մարուքյանը:
Հիշեցնենք, որ միջադեպ էր տեղի ունեցել նրա եւ «Իմ քայլից» Սասուն Միքայելյանի միջեւ, պատգամավորները ձեռնամարտի էին բռնվել: Սասուն Միքայելյանը, որին տեղում «պահում» էին խմբակիցները, գոռում էր՝ «մարդավարի խոսա՜»:
Մարուքյանն էլ պատասխանեց. «Արա՜, իմ վիզը կտրողը չի ծնվել, հերիք ա ստեղ շմայսություն անես, հանգիստ քեզ պահի՜, հերիք ա՝ չի լինելու այս մշակույթն այստեղ: Հեղափոխությունն ա՞յս մշակույթի համար է եղել»:
Փոխադարձ բղավողները տեւական ժամանակ չէին հանդարտվում:
Կարդացեք նաև
Մարուքյանը պնդեց, որ իրեն մեջքից հարվածել են. «Գալիս մեջքից խփում եք, արա՜, ինձ խփել են»:
Պատգամավորները խմբերով փորձում էին հանգստացնել Մարուքյանին եւ Սասուն Միքայելյանին:
Լարված մթնոլորտի պատճառով Մարուքյանի ելույթը չշարունակվեց, ԱԺ նախագահ Արարատ Միրզոյանն ընդմիջում հայտարարեց:
Լուիզա ՍՈՒՔԻԱՍՅԱՆ
