Ուկրաինայի նախագահ Վլադիմիր Զելենսկին Միխեիլ Սաակաշվիլիին նշանակել է Բարեփոխումների գործադիր կոմիտեի ղեկավար՝Բարեփոխումների ազգային խորհրդի կազմում: Նախագահը համապատասխան հրամանագիրը ստորագրել է մայիսի 7-ին:
«Սրտանց շնորհավորում եմ Միխեիլ Սաակաշվիլիին նոր պատասխանատու մարտահրավերի առիթով: Հավատում եմ, որ նա կարող է նոր խթան հաղորդել Բարեփոխումների ազգային խորհրդին և կօգնի իրականացնել կարևոր փոփոխություններ երկրի կյանքում»,-հայտարարել է Զելենսկին:
Ուկրաինայի Բարեփոխումների Ազգային խորհուրդը ստեղծվել է 2014 թվականին ՝ երկրի այդ ժամանակվա նախագահ Պետրո Պորոշենկոյի հրամանով: Կառույցը նախագահին կից հատուկ խորհրդատվական մարմին է՝ բարեփոխումների իրականացման հարցով:
Պատրաստեց՝ Վիկտորյա ԱՆԴՐԵԱՍՅԱՆԸ
