Ռուսաստանը կորոնավիրուսով հիվանդների թվով հայտնվել է հինգերորդ տեղում՝ առաջ անցնելով Գերմանիայից և Ֆրանսիայից: Երկրում կորոնավիրուսով հիվանդների թիվը մեկ օրում ավելացել է ավելի քան 11 հազարով, այսպիսով` ՌԴ-ում վարակվածների ընդհանուր թիվը գերազանցել է 177 հազարը: Վիրուսի հետևանքով զոհերի թիվը հասել է 1625-ի, վերջին 24 ժամվա ընթացքում մահացել է 88 մարդ:
Չորեքշաբթի ՌԴ նախագահ Վլադիմիր Պուտինը առցանց խորհրդակցություն է անցկացրել կառավարության անդամների հետ, առաջարկվել է կորոնավիրուսի պատճառով գործող սահմանափակող միջոցառումները վերացնել փուլային տարբերակով, ինչը ենթադրում է առևտրի կենտրոնների, ծառայությունների աստիճանական բացում, ինչպես նաև զբոսանք այգիներում, սպորտով զբաղվելու հնարավորություն մաքուր օդում:
Մայիսի 7-ի դրությամբ աշխարհում կորոնավիրուսով վարակվածների թիվը գերազանցել է 3 միլիոն 836 հազարը, մահացել է 265 հազար 366 մարդ, բուժվել ավելի քան 1 միլիոն 300 հազարը: Covid-19–ով հիվանդների թվով առաջին եռյակում է Միացյալ Նահանգները, Իսպանիան և Իտալիան, որին հաջորդում է Մեծ Բրիտանիան:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
