«Քրեական ենթամշակույթ կրող քանի՞ անձ է այս ընթացքում պատասխանատվության կանչվել»,-ՀՀ արդարադատության նախարար Ռուստամ Բադասյանից այսօր ԱԺ նիստում հետաքրքրվեց անկուսակցական պատգամավոր Արման Բաբաջանյանը՝ հիշեցնելով, որ փետրվարին ԱԺ-ն ընդունել է քրեական ենթամշակույթը ստեղծելը եւ դրան հարելը քրեականացնող օրենքը:
«Այսօր մայիսն է, եւ որեւէ ֆանտաստիկ ծրագրով հնարավոր չէր ունենալ քրեական պատասխանատվության ենթարկված անձ: Լավագույն սցենարով նման ժամկետում առաջադրված մեղադրանք կարող է լինել: Իմ տեղեկություններով՝ մի քանի քրեական գործեր կան հարուցված: Երբ խորհրդարանում քննարկում էինք օրենքը, պնդումներ կային, թե այն չի գործելու: Կարծում եմ՝ այն միանշանակ աշխատելու է, եւ ունենալու ենք պատասխանատվության ենթարկելու դեպքեր»,-համոզմունք հայտնեց Ռուստամ Բադասյանը:
Լուիզա ՍՈՒՔԻԱՍՅԱՆ
