Առողջապահական եւ աշխատանքի տեսչական մարմնի ղեկավար Հակոբ Ավագյանը կառավարության ասուլիսների սրահում նշեց, որ կորոնավիրուսի տարածումը կանխարգելելու ՀՀ պարետի որոշումները հիմնականում խախտում են սննդի առեւտրի կետերը:
«Գործունեության դադարեցման ներկայացված տնտեսվարողների խախտումներից մեծամասնությունը ծավալում են սննդի առեւտրի կետերը: Հիմնականում խախտվում են աշխատողների անվտանգության ապահովման կանոնները՝ աշխատակիցների օրական 2 անգամ ջերմաչափում, անհատական պաշտպանիչ միջոցների տրամադրում, ախտահանման սահմանված կարգի պահպանում»,-ասաց նա:
Ասուլիսի ավարտին Հակոբ Ավագյանը կոչով դիմեց քաղաքացիներին. «Եթե նկատում եք պարետի որոշմամբ սահմանված անվտանգության կանոնների խախտումներ, մեր տեսչական մարմնի թեժ գծին, սոցիալական էջին եւ մեր պաշտոնական էլփոստով ահազանգեք: Դրանք անպայման կներառվեն մշտադիտարկման ցուցակներում: Իսկ մեր տնտեսվարողներին, պարզապես, խնդրում եմ՝ հնարավորինս խիստ հետեւել պարետի որոշմամբ հաստատված կանոններին, ինչը կհեշտացնի բոլորիս աշխատանքը»:
Կարդացեք նաև
Աշոտ ՀԱԿՈԲՅԱՆ
