«Այդ գումարները պետք է վերադարձվեն, որովհետեւ նախատեսված են եղել այլ խավի մարդկանց համար: Կան ծառայության որոշ տեսակներ, որոնք գաղտնի են եւ արձանագրված չեն տվյալների բազաներում, ուստի դա սողանցք է դարձել, ցավոք»,-կառավարություն-ԱԺ հարցուպատասխանի ժամանակ այսօր անդրադառնալով այն փաստին, որ ԱԻՆ-ի, ոստիկանության եւ ՊՆ-ի աշխատակիցները գրություններ են ստանում՝ կորոնավիրուսի ճգնաժամի հաղթահարմանն ուղղված ծրագրի գումարները կառավարությանը վերադարձնելու մասին՝ ասաց ՀՀ վարչապետ Նիկոլ Փաշինյանը:
Նա շեշտեց. «Շատ ցավալի փաստ է, որ անապահով խավի համար նախատեսված միջոցները գնացել են ոչ նրանց համար նախատեսված ուղղությամբ: Ավելին՝ ծառայողական քննություններ պետք է իրականացվեն, թե ինչպես է դա տեղի ունեցել: Դա շատ վատ երեւույթ է, որ ճգնաժամի պայմաններում նման տրամաբանությամբ ենք առաջնորդվում: Մեկը բանկում ավանդ ունի, բայց աջակցության ծրագրից գումար է ստանում: Սա է խնդիրը: Մինչեւ վերջին կոպեկը պետք է վերադարձնել»:
Լուիզա ՍՈՒՔԻԱՍՅԱՆ
