«Առաջիկայում դատաիրավական բարեփոխումների ռազմավարության եւ հակակոռուպցիոն քաղաքական ռազմավարության արդյունքում ԱԱԾ-ն ամբողջությամբ փոխելու է իր գործառույթները: Քննչական եւ հակակոռուպցիոն գործառույթները դուրս են գալու: ԱԱԾ-ն առնչվելու է երեք թեմայի հետ՝ հակահետախուզություն, ահաբեկչության դեմ պայքար եւ անվտանգություն եւ սահմանադրական կարգի պահպանություն: Այսինքն՝ արտաքին եւ ներքին անվտանգություն: Մենք կարծում ենք, որ ԱԱԾ-ն նախարարություն չպետք է դառնա, ինքը պետք է լինի շատ դինամիկ ուժեղ հատուկ ծառայություն: Հետախուզությունը նույնպես պետք է ԱԱԾ գործառույթ չլինի, մենք պետք է ունենանք հետախուզական առանձին ծառայություն»,- այսօր ԱԺ-ում հայտարարեց վարչապետ Նիկոլ Փաշինյանը:
Նա հավելեց, որ սահմանների պահպանության գործառույթն էլ քննարկելի է, որը մի շարք երկրներում իրականացնում է, օրինակ, ոստիկանությունը. «Բայց մեր պարագայում անվտանգային համակարգերի պրակտիկան պետք է հաշվի առնենք ու հիբրիդային լուծումներ գտնենք»:
Հռիփսիմե ՋԵԲԵՋՅԱՆ
