Պետական եկամուտների կոմիտեն էլեկտրոնային ՀԴՄ-ի համակարգ է ստեղծում:
Այսօր կառավարության մամուլի կենտրոնում ՊԵԿ նախագահի տեղակալ Միքայել Փաշայանն ասաց՝ պետական եկամուտների կոմիտեն կենտրոնական բանկի հետ քննարկում են նոր վճարային համակարգի՝ վիրտուալ ՀԴՄ-ի գաղափարը. «Նոր համակարգն արդեն ստեղծված է պետական եկամուտների կոմիտեում եւ սպասում ենք, որպեսզի բիզնեսը առաջ գա եւ ինտեգրվի համակարգի հետ: Սա լավ հնարավորություն է ստեղծում էլեկտրոնային ծառայությունների մատուցող կազմակերպություններին, հեռախոսի միջոցով պատվերներ ստացող, եւ ընդհանրապես, առցանց տարբեր եղանակով պատվերներ ստացողներին: Դա էլեկտրոնային ՀԴՄ-ն է, որն ինտեգրվում է իրենց ներսի էլեկտրոնային կառավարման համակարգի հետ եւ տեղեկատվությունն առցանց եղանակով ֆիսկալավորվում է ՊԵԿ-ում, եւ հսկիչ դրամարկղային կենտրոնը վայրկյանների ընթացքում եւս թե՛ առցանց, թե՛ թղթային տարբերակով կարող են տպեն»:
Նելլի ԲԱԲԱՅԱՆ
