Կորոնավիրուսի համավարակի եւ արտակարգ դրության պայմաններում տնտեսության շատ ոլորտների բիզնեսներ ժամանակավոր դադարեցրել են գործունեությունը, հետեւաբար նաեւ վնասներ կրել:
Արդյոք տնտեսվարողներին կտրվի հարկային արձակուրդ. այսօր կառավարության մամուլի կենտրոնում ՊԵԿ նախագահի տեղակալ Միքայել Փաշայանն անդրադարձավ այս խնդրին: Նա, մասնավորապես պատասխանելով հարցին՝ կազմակերպությունը չունի հնարավորություն մուծելու հարկերը, դիմել է բանկերին, տարբեր մերժումներ է ստացել, տվյալ կազմակերպությանը հնարավո՞ր է տրվի հարկային արձակուրդ կամ հնարավո՞ր է ներվեն այդպիսի հիմնարկները, ասաց. «Ամբողջ տնտեսությունն ունի իր ամբողջական շղթան։ Եթե հարկը ներում ես մի տնտեսվարողի, եկամտային հարկը չի վճարում իր աշխատողին, ով ունի հիփոթեքային վարկ, որի տոկոսները փակվում են եկամտային հարկով, տոկոսները բանկին չեն վճարվում, բանկն ընկնում է ավելի վատ վիճակի մեջ եւ այս տնտեսական շղթան խաթարվում է»։
ՊԵԿ փոխնախագահը հիշեցրեց՝ կորոնավիրուսի հետեւանքների չեզոքացման տարբեր ծրագրեր կան, եւ կառավարությունը կազմակերպությունների համար մի քանի անգամ թուլացրեց պայմանները. «Այդքան թուլացումներից հետո եթե հարկ վճարողը չի կարողացել ընկնել ծրագրերի մեջ, ապա անհատական պետք է հասկանալ, թե հարկ վճարողի հետ կապված ինչ խնդիր կա»։
Փաշայանը վստահեցրեց՝ դիտարկելով տեղեկատվական շտեմարանները, հարկ վճարողների ցանկերը՝ կառավարության տարբեր միջոցառումներից օգտվելու, նկատել է՝ տնտեսվարողների ընդգրկվածությունը 90% -ից ավել է:
Կարդացեք նաև
Նելլի ԲԱԲԱՅԱՆ
