«Մուտքի մոտ ձեռնոց ստանալու անհրաժեշտությունը ո՞րն է, եթե հիվանդ մարդ կա, ասենք գործի չգա, կամ բոլորս թեստավորվենք: Մեզ պարտադրում են ձեռնոց հագնել, ինչի՞ համար է այս խստացումը»,-ԱԺ նախագահ Արարատ Միրզոյանին այսօր նման հարցադրում հղեց ԼՀԿ պատգամավոր Էդմոն Մարուքյանը:
Միրզոյանը նշեց. «Ձեռնոցները եւ դիմակները որոշակիորեն կարող են կանխել կորոնավիրուսի փոխանցումն ԱԺ պատգամավորներին եւ նրանց ընտանիքի անդամներին: Ոչինչ պարտադրված չէ, դահլիճի մուտքի մոտ առաջարկվող դիմակներն ու ձեռնոցները կարող եք կրել, կարող եք չկրել: Այո, կա կասկած, գուցե՝ հիմնավոր, որ ԱԺ աշխատակիցներից մեկը կոնտակտավոր է: Քանի դեռ հանգամանքները չեն պարզվել, բոլորս ավելի խստացված կերպով ենք ձեռնարկում կանխարգելիչ միջոցառումներ»:
«Իմ քայլը» խմբակցության պատգամավոր Նազելի Բաղդասարյանը երեկվանից ինքնամեկուսացել է, նա շուրջ 6 օր շփում է ունեցել կորոնավիրուսով վարակված քաղաքացու հետ, վերջինիս մոտ երեկ է կորոնավիրուս հաստատվել։ Այս տեղեկությունը NEWS.am-ի հետ զրույցում հաստատել է պատգամավորը։
Կարդացեք նաև
Նա նշել է, որ իրեն լավ է զգում, չունի ջերմություն. «Ինքնազգացողությունս լավ է։ Շփում եմ ունեցել 6 օր, երեկ նրա մոտ հաստատվել է դրական։ Դեռ չեմ թեստավորվել, սակայն այսօր կամ վաղը կհանձնեմ թեստ»։
Լուիզա ՍՈՒՔԻԱՍՅԱՆ
