Ամերիկացի բարձրաստիճան պաշտոնյաները Չինաստանին մեղադրել են կորոնավիրուսի համավարակի իրական ծավալները թաքցնելու համար՝ բժշկական պարագաների պահուստային ֆոնդ ստեղծելու նպատակով: Այս մասին հաղորդում է Associated Press գործակալությունը՝ վկայակոչելով հետախուզության փաստաթղթերը:
Զեկույցի համաձայն՝ Պեկինը հունվար ամսին Առողջապահության համաշխարհային կազմակերպությանն ամբողջական տեղեկություն չի տրամադրել վարակի տարածման իրական ծավալների վերաբերյալ: Նշվում է նաև, որ Չինաստանի իշխանությունները, հերքելով արտահանման սահմանափակումների առկայությունը, «հետաձգել են առևտրի տվյալների տրամադրումը»: Նման եզրահանգումը հիմնված է այն փաստի վրա, որ դիմակների և անձնական հիգիենայի այլ պարագաների արտահանումը և ներմուծումը 95% հավանականությամբ դուրս է եկել նորմայի սահմաններից:
Գործակալությունը մատնանշում է, որ ԱՄՆ նախագահ Դոնալդ Թրամփն իր հերթին Fox News հեռուստաալիքին տված հարցազրույցի ժամանակ հայտարարել է, որ Չինաստանը սխալ է գործել և փորձել է թաքցնել այն: «Մենք ցանկանում էինք մեկնել Չինաստան (հետաքննություն անցկացնելու համար – խմբ.), չէին ուզում թույլ տալ, նույնիսկ ԱՀԿ-ի մուտքն էին ցանկանում արգելել: Նրանք ընդունեցին դա, բայց շատ ավելի ուշ և ոչ միանգամից»,-ասել է Թրամփը:
Ավելի վաղ Սպիտակ տան ղեկավարը հայտարարել էր, որ Վաշինգտոնը դիտարկում է այն տարբերակը, որ կորոնավիրուսի նոր տեսակը ստեղծվել է Ուհանի լաբորատորիայում:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
