«Հինգ աչք» անվանումը կրող հետախուզական գործակալությունների ընկերակցությունը ներկայացրել է զեկույց այն մասին, որ Չինաստանը մտածված կերպով ոչնչացրել է կորոնավիրուսի համաճարակի տարածման մասին տվյալներն ու մարդուց մարդ հիվանդության տարածման տեղեկությունները: Այս մասին «Fox News» գործակալությանը հայտնել են ԱՄՆ-ի պաշտոնատար անձինք:
Ըստ որոշ տեղեկությունների, վարակը տարածվել է Չինաստանի Ուհան քաղաքում գտնվող վարակաբանական մի հաստատությունից: Ավստրալիայի հետախուզությունը գտնում է, որ այն ծագել է կենդանիների շուկայից: Մի բան, որին դեռեւս չի հավատում ԱՄՆ-ը: Ամերիկացի վերը նշված պաշտոնյան շաբաթ օրն ասել է, թե ԱՄՆ-ի հետախուզական 17 գործակալությունների 70-75 տոկոսը հավատացած են, որ կորոնավիրուսը տարածվել է չինական լաբորատորիայից: Մյուս գործակալությունները, ըստ նրա, դեռեւս կասկածում են, քանի որ, ասում է նա, «ծուխ կա, սակայն` առանց կրակի»:
Նյութն ամբողջությամբ՝ սկզբնաղբյուր կայքում
