Հակավիրուսային Ռեմդեսեվիր անվանումով դեղամիջոցը արդյունավետ է կորոնավիրուսի դեմ պայքարում՝ վկայում են կլինիկական փորձարկումները: Փորձարկումները շարունակվում են, բայց նախնական արդյունքները համոզիչ են, որպեսզի ԱՄՆ-ի ալերգիայի և ինֆեկցիոն հիվանդությունների ազգային ինստիտուտը (NIAID) հատուկ հայտարարություն տարածի, որը հաստատում է դեղամիջոցի արդյունավետությունը: Այս մասին հաղորդում է BBC-ն:
NIAID-ի ղեկավար Էնտոնի Ֆաուչինին լրագրողների հետ զրույցում հայտարարել է, որ փորձի արդյունքների համաձայն՝ Ռեմդեսեվիրը միանշանակ դրական է ազդում և արագացնում է առողջացման գործընթացը:
Փորձարկմանը, որ սկսվել էր ավելի քան 2 ամիս առաջ՝ փետրվարի 21-ին, մասնակցել է կորոնավիրուսով հիվանդ շուրջ 1000 մարդ՝ ԱՄՆ-ից, Ասիայից, Եվրոպայից: Փորձերն ապացուցել են, որ Ռեմդեսիվիրը կորոնավիրուսի ախտանիշների տևողությունը 15 օրից կրճատում է 11-ի:
Եթե հետազոտության վերջնական արդյունքները շատ չտարբերվեն միջանկյալ արդյունքներից, Ռեմդեսեվիրը կդառնա կորոնավիրուսի դեմ առաջին դեղամիջոցը, որի կլինիկական փորձարկումները հաջող են անցել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
