Հայաստանում կորոնավիրուսով պայմանավորված սահմանափակումների ժամանակահատվածում զգալիորեն աճել է հանրային ծառայությունների էլեկտրոնային կառավարման գործիքներն օգտագործող մարդկանց թիվը:
2020 թ.-ի մարտին քաղաքացիների կողմից ավելի քան 5.000 դիմում է ուղարկվել էլեկտրոնային հարցումների միասնական հարթակի միջոցով: Ապրիլ ամսին ևս նկատվել է դիմումների թվաքանակի էական աճ: Համեմատության համար՝ 2020 թ.-ի հունվարին ուղարկված դիմումների քանակը մի փոքր ավել է եղել 900-ից:
Սա ցույց է տալիս, որ էլեկտրոնային համակարգի ներդրումը ոչ միայն տարբեր պետական գերատեսչությունների հետ հաղորդակցվելու նորարարական միջոց է, այլ նաև օգտակար գործիք է, որը ավելի է հեշտացնում քաղաքացիների առօրյա կյանքը:
Էլեկտրոնային հարցումների միասնական հարթակն ու պետական կառավարման բարեփոխումների մաս կազմող մի շարք այլ էլեկտրոնային կառավարման գործիքներ Հայաստանում ներդրվել են Եվրոպական միության աջակցությամբ և ուղղված են հանրային ծառայությունների մատուցման բարելավմանը:
Կարդացեք նաև
EU NEIGHBOURS east
